ЖЫТА, КАРАГОД

«Жыта» — старажытны карагод. Выконваўся вясной на Юр’я: «хадзілі па ране (ранняе жыта), калі ў ім ужо можа схавацца варона». Збіраліся ўсёй вёскай і адзін за адным ланцужком, праходзілі па палях.

Наперадзе ўсіх хлопец нёс хлеб, упрыгожаны галінкамі елкі. На кожным полі хлопец круціўся ў сярэдзіне карагода, а вакол яго – карагод, які суправаджаўся рытуальнымі песнямі:

Дзе карагод ходзіць,

Там жыта родзіць,

А дзе не бывае,

Там улягае.

Зафіксаваны на Беларускім Палессі. У Смаргонскім раёне зафіксаваны варыянт танца «жыта», у якім выканаўцы імітавалі калыханне жыта і яго жніво касілкай.

Крыніца: http://be.wikipedia.org/wiki/%D0%96%D1%8B%D1%82%D0%B0,_%D0%BA%D0%B0%D1%80%D0%B0%D0%B3%D0%BE%D0%B4