ПІЛІП (ПІЛІПЕЙ)

27/14 лістапада Піліп (Піліпей). Пярэдадзень Піліпаўкі. Апошні дзень падрыхтоўкі ткацкага начыння. Пачынаюцца халады, усе апранаюцца цяплей, таму на Тураўшчыне вядома прымаўка: «Ек залезе Піліп, то і Петро не вужэне» (Тураўскі сл., 1982).

У Лельчыцкім раёне, як і ў некаторых іншых, кажуць: «Піліп дзяцей адзявае». Перад Піліпаўкай заканчваліся вяселлі, таму спявалі:

Была восень, цяпер зіма, Былі хлопцы, цяпер няма... (Бярозаўскі раён)

Святы апостал Філіп (І ст.) – сучаснік Ісуса Хрыста, яго прыхільнік і прапаведнік слова Божага.

Святам замужніх жанчын у Румыніі лічыліся Філіпаўкі (Filipii). З 14 па 16 лістапада адзначалі трох Філіпаў, хатніх апекуноў сям'і.

Алесь Лозка