АБ ДАЎНЕЙШАЙ ВЕРЫ

 

На пачатку існавання Гэтага Свету людзі не ведалi, што значыць Бог. Але вось адзін разумнейшы глянуў раз на неба, на зоры, ды і кажа: — Ёсць жа той, што гэта стварыў.

Глянуў на зямлю і зноў кажа:

— Мусіць быць той, што так увабраў яе. Трэба да яго маліцца, але як?

А ляжала там калодка, дык ён да сваіх так кажа:

— Рабіце так, як я.

I пераскочыў праз калодку: — То табе,— кажа,— Божа!

А назад: — То мне, Божа!

I ўсе так: — То табе, Божа, то мне, Божа!

I Бог прымаў гэта за малітву. Вось як даўней людзі маліліся.

Крыніца: http://mifijslavyan.ru/stories4/62.htm