ЗАПУСКІ

Назва ў заходніх раёнах апошняга тыдня мясаеда перад вялікім постам. Лакальная назва запусты. Адпавядае ўсх.-слав. Масленіцы. У гэты час наладжваліся катанні з гары і на конях, скокі, гульні, драматызаваныя сцэнкі з пераапрананнем.

У паўн. – зах. Раёнах З. называюць апошнюю нядзелю мясаеда, якая таксама адзначалася святочна. У палякаў З. – час ад свята “трох каралёў” (7 студз.) да попельца (“попельнай серады”), асн. Міфалаг.

Персанаж – Запуст, які заходзіць у хату і абавязкова пасыпае ўсіх попелам (адсюль назва “попельная серада”). Па сутнасці, запуст атаясамлены з зімой, смерцю. Яго праводзілі (забівалі) так, як праводзілі масленіцу, каб зноў адрадзіліся пладаносныя сілы прыроды ў новай, найвышэйшай форме.

Крыніца: http://rv-blr.com/dictonary/view/13693