ВЕНА

У старажытных славянскіх і некаторых інш. гародаў Еўропы выкуп жаніха за выкраданне нявесты ці загаддзя абумоўленая плата яе бацькам або сваякам. Памеры былі яго даволі значнымі.

На Русі, акрамя таго, В. плацілі бацькі нявесты грамадзе і феадалу. Упершыню ўпамінаецца ў "Аповесці мінулых гадоў" (пач. 12 ст.). З эвалюцыяй сямейных адносін пераўтварылася ў сімвалічны абрад, а сам тэрмін "В." атрымаў значэнне пасагу, які бацькі давалі за нявестай.

Узнікшая як звычай, В. з цягам часу была заканадаўча замацавана ў феадальным праве. Статут Вял. кн. Літоўскага 1588 разглядаў В. як умову для заключэння шлюбу і спосаб забеспячэння маёмасных інтарэсаў жонкі на выпадак яе ўдаўства. На Беларусі нормы гэтага права дзейнічалі да 1840.

Крыніца: http://rv-blr.com/dictonary/view/10503