КАСАРЫ, КОСАР, КОСЫ, КАСЦЫ, МАТАВІЛА, ЧЭПІГА

Народныя назвы сузор’я Арыён, дакладней т. зв. “пояса Арыёна”, радзей Пляядаў. К., як правіла, уяўляюць гурт з трох не надта яркіх зорачак, выцягнутых амаль у правільную простую лінію.

У восеньска-зімовы час К. выкарыстоўваліся для вызначэння часу. Назва матываваная падабенствам ланцужка з трох зорак да паставы касцоў на пакосе па тры ў адзін шэраг.

Назва вядомая многім славянскім мовам: укр. Косарі, рус. Косцы, Косари, польск. Kosarze, Kosiarze, Kosniki, Kosce, Kosa/ Kosy, Skosy, славац. Kosci, серб. – харв. Kosci, ст. – чэш. Kosa/Kosy. Гл. таксама Тры Каралі.

Крыніца: http://rv-blr.com/dictonary/view/2452