“ЗАМАЎЛЕННЕ СОНЦА”
4 сакавіка Вясновыя засцярогі. У гэты дзень здзясняліся абрады. На Красну горку выходзілі прыбраныя дзяўчаты. Яны замаўлялі сонца, каб яно кацілася да лета. Каб за сонцам ляцелі пералётныя птушкі, каб прыйшлі на палі вясновыя дажджы. Пяклі круглы хлеб і на вышытым ручніку высока яго паднімалі. Потым дзялілі яго паміж сабой, хлебныя дробкі рассыпалі для птушак. Але кідалі хлебныя дробкі па-адмысловаму - праз сябе, за спіну. Птушак адорвалі хлебам, таму што яны за хлебнай нівай не менш селяніна ходзяць.