У НОВЫ ГОД БЫЦЬ ЧЫСТЫМІ

Да Новага года нашы продкі ставіліся вельмі адказна: вычышчалі хату і падворак, здымалі павуцінне з усіх куточкаў, мылі столь. Яны лічылі, што павінны ўступіць у новы год чыстымі.

Стараліся апрануцца ва ўсё новае — каб увесь год былі абноўкі. Праўда, дазволіць сабе такое маглі толькі багатыя сем’і. Затое першае навагодняе ўмыванне не прапускаў ніхто.

Прычым нашы бабулі і дзядулі не проста ўмываліся — у посуд клалі медныя або залатыя грошы, каб на працягу ўсяго года быць моцным і прыгожым, а срэбныя — каб твар быў чыстым і светлым.

Людміла МІНКЕВІЧ

Крыніца: http://www.ng.by/ru/issues?art_id=71884