ЗМЯІНАЯ ТРАВА, ЗМЯЁЎКА

Расліна з сямейства ятрышнікавых, прыкметная асблівасць якой – плямістае ланцэтападобнае лісце і клубнепадобнае карэнішча са слабым, нібы перасохлым, коранем.

Паводле этыялагічнага падання корань гэтай расліны перакусіла змяя (гадзюка), калі Бог стварыў расліну для лячэння гадзючых укусаў. “Шэрае” лісце падобнае да афарбоўкі гадзюкі, нібы нагадвае людзям пра прыродную сувязь абедзвюх.

Рэдкае распаўсюджанне расліны ў прыродзе Беларусі таксама павінна пацвярджаць міфалагічнае ўяўленне, што яе корань перакушаны. Сапраўды, кветка рэдкая, яна занесена ў “Чырвоную кнігу” Беларусі. (Паводле падання, чутага ў Мядзельскім р-не Мінскай вобл.)

Крыніца: http://rv-blr.com/dictonary/view/1892