ВАВЁРКА

У традыцыйнай культуры беларусаў з вавёркай звязана не багата павер'яў. У асноўным яны датычаць зробленых вавёркай прыпасаў.Так, лічылася,што забраць назапашаныя вавёркай на зіму арэхі - такі ж вялікі грэх, як і адабраць хлеб у чалавека.

Пакараннем за гэта была страта ўсіх зубоў яшчэ да старасці і болі ў страўніку. Але іншы чалавек можа іх ужываць, і гэта засцерагала і нават вылечвала яго ад згаданых хваробаў. Існуе таксама павер'е, што ліса, якая пачаткова мела чорную і белую поўсць, змяніла яе на жоўтую, пасля таго як яна аднойчы з'ела В.

Так што маленькая В.ніколі не даруе сваім крыўдзіцелям. Цікава яшчэ адзначыць, што на Валожыншчыне ваверчанят называюць русаўкамі.

Крыніца: http://rv-blr.com/dictonary/view/132