ПАХОМ

Веснавы прысвятак народнага календара (адзначаўся 15 мая с. ст.). У народзе П. лічыўся “агародным святым”, таму гаспадыні стараліся пасадзіць агуркі менавіта ў гэты дзень, кіруючыся прыказкай: “Пасееш агуркі, калі Пахом, - будзеш хадзіць з мяхом”, г. зн. Збярэш вялікі ўраджай.

Крыніца: http://rv-blr.com/dictonary/view/18578

ПАХОМ

Гэты дзень ( 15 мая с.ст.) у адрозненне ад папярэдняга прадугледжваў адваротнае надвор'е: «Пахом павее цяплом». На Пахома амаль усюды дазвалялася ўсё рабіць, але паколькі ён лічыўся галоўным чынам агародным святам, то абавязкова стараліся пасадзіць агуркі: «Пасееш агуркі калі Пахом — будзеш хадзіць з мяхом», г. зн. збярэш шмат агуркоў на агародзе.

Алесь Лозка