ДЗЕДАВІЦА

ПЕРАДВЕЛІКОДНЫ КАТАЛІЦКІ ТЫДЗЕНЬ
Меню сайту
Форма уваходу
Пошук
Сябры сайту
  • Официальный блог
  • Сообщество uCoz
  • FAQ по системе
  • Инструкции для uCoz
  • Статыстыка

    Анлайн усяго: 1
    Гасцей: 1
    Карыстальнікаў: 0

    ЧАС НАВЕСЦІ ПАРАДАК У ДОМЕ І ДУШЫ

    08.04.2009

    Гэтымі днямі вернікі згадваюць пра шлях Хрыста на Галгофу, дзе ён быў укрыжаваны і выкупіў грахі чалавецтва. У Вялікі чацвер, Вялікую пятніцу і Вялікую суботу людзі ўспамінаюць пакуты і смерць Ісуса і рыхтуюцца да свята Яго ўваскрэсення.

    Да канца тыдня трэба прытрымлівацца самага строгага посту — не толькі ў ежы, але і ў паводзінах: быць стрыманым, цярплівым да блізкіх.

    У касцёлах гэтымі днямі не адзначаюць памяці святых, не памінаюць памерлых, нельга браць шлюб і хрысціць дзяцей. Сёння — апошні дзень, калі яшчэ можна дарабіць няскончаныя справы па гаспадарцы.

    Бо заўтра — Чысты чацвер. К гэтаму часу дома мусіць быць наведзены парадак, вымыта адзенне, бялізна. Вялікая пятніца — час найвялікшага смутку за ўвесь царкоўны год, бо ў гэты дзень Хрыста ўкрыжавалі.

    Гэта дзень найстражэйшага посту. У Вялікую суботу памінаецца пахаванне Хрыста, яго сыход у пекла, абвяшчэнне там перамогі над смерцю і збаўлення душ, што чакалі прышэсця Месіі.

    У нядзелю — Вялікдзень, які пачнецца ранішнім набажэнствам у касцёле. Перад імшой традыцыйна адбываецца ўрачысты ход са Святымі Дарамі вакол храма.

    Віктар КОРБУТ

    Крыніца: http://www.ng.by/ru/issues?art_id=31262




    Copyright MyCorp © 2019
    Конструктор сайтов - uCoz