ПАЛОМНІЦТВА І ПАКЛАНЕННЯ БЛАКІТНАЙ КРЫНІЦЫ
Паломніцтва і пакланення Блакітнай крыніцы Слаўгарадскага раёна. Было прынята рашэнне аб наданні гэтым аб’ектам статуса нематэрыяльнай гісторыка-культурнай каштоўнасці.
Члены навукова-метадычнай Рады не толькі высока ацанілі вялікае культурнае і сацыяльнае значэнне прадстаўленых традыцый Магілёўшчыны, але і якасць іх прэзентацый.
Традыцыя паломніцтва і пакланення Блакітнай крыніцы ў Слаўгарадскім раёне налічвае больш за тысячу год і адбываецца на свята Мядовы Спас, якое называюць у народзе Макавей.
Яна звязана з ушанаваннем Жыватворнага крыжа Гасподня, Божай Маці і святых пакутнікаў сямі братоў Макавеяў. Сама крыніца – цікавы і незвычайны прыродны аб’ект.
Вада ў ёй мае пастаянную тэмпературу – 8 градусаў вышэй за нуль, яна не замярзае зімой і не награваецца ўлетку. Цікава, што абрад ушанавання крыніцы практычна не змяніўся і бытуе ў актыўнае форме ў нашы дні.
Сюды штогод 14 жніўня з’язджаюцца шматлікія паломнікі не толькі са Слаўгарадчыны, але і іншых рэгіёнаў вобласці, нават прымежных тэрыторый Расіі і Украіны.
Адбываецца Хросны ход да крыніцы, вадасвятны малебен, абрад хрышчэння дзяцей. Паломнікі вераць у гаючыя ўласцівасці крынічнай вады, і таму акунаюцца ў яе з вялікім задавальненнем, а таксама набіраюць яе з сабой.
Дарэчы, існуе яшчэ адна асвечаная часам традыцыя: дакранацца да валуноў, што размяшчаюцца паблізу, прасіць поспеху, здароўя і дабрабыту.
Крыніца: http://govorim.by/mogilevskaya-oblast/slavgorod/novosti-slavgoroda/80992-status-nemateryyalnay-gstoryka-kulturnay-kashtonasc-belarus-atrymal-dva-abrady-magleskay-voblasc.html
|