ДЗЕДАВІЦА

КЛЮЧЫКІ
Меню сайту
Форма уваходу
Пошук
Сябры сайту
  • Официальный блог
  • Сообщество uCoz
  • FAQ по системе
  • Инструкции для uCoz
  • Статыстыка

    Анлайн усяго: 1
    Гасцей: 1
    Карыстальнікаў: 0

    КЛЮЧЫКІ

    Веснавая кветка – залаціста жоўтая прымула, першацвет высокі, якая контурам нагадвае звязку ключоў. Гэтая асаблівасць міфалагічна пераасэнсоўваецца ў народнай традыцыі. Да таго ж К. зацвітаюць у канцы красавіка – пачатку мая, звязваецца з Юр’ем (святкуецца 6 мая н. ст.) і служаць знакам адамкнутай зямлі.

    Замкнутасць зямлі да гэтага часу можна растлумачыць тым, што Юр’ева маці згубіла была ключы, як пра гэта пяецца ў веснавой юраўскай песні: “Юр’ева матка пагнала цялятка,   

    У лес пайшла, у лес пайшла, 

    Залатыя ключы панясла, панясла. 

    Юр’ева матка, вярніся, вярніся,   

    Бо ключы нашліся, нашліся, 

    Залатыя ключы нашліся, нашліся”.

    Матыў згубленых, а потым знойдзеных ключоў, мана пра згубленыя ключы даволі шырока распрацоўваецца ў песенным фальклоры і этыялагічных паданнях пра зязюлю. 

    І зязюля, і юр’я злучаюцца часавым фактарам, яны пазначаюць пачатак вясны і, больш канкрэтна, час абуджэння зямлі, яе адмыкання, след нейкіх міфалагічных ключоў. У хрысціянскія часы ўзнікненне кветкі тлумачылася тым, што некалі святы Пётра ўпусціў ключы ад раю на зямлю.

    На тым месцы, дзе яны ўпалі, з’явіліся кветкі, што нагадвалі іх формай. У беларускіх веснавых песнях гаворыцца часам, што Юр’евы ключы – гэта ключы ад пекла:

    “Ой, Юр, Юр, Юр, Юры, 

    Да маценька кліча: 

    - Падай ключы пекельны,   

    Расіцу адамкнуць, 

    Травіцу ды выпусціць”.

    У іншым варыянце веснавых песняў Юр’ева матка просіць сына падаць ключы Пётру зямлю адамкнуць. Ключы Юр’ева матка таксама называе “земляныя” (што адмыкаюць зямлю).

    Шмат розных уяўленняў, звязаных з кветкай К., існавала ў еўрапейскіх народаў. Яе выкарыстоўвалі ў народнай медыцыне, у варожбах, як прываротнае зелле ды інш. Гл. таксама Божай маці пальчыкі.

    Крыніца: http://rv-blr.com/dictonary/view/2652




    Copyright MyCorp © 2019
    Конструктор сайтов - uCoz