ДЗЕДАВІЦА

ІВАН ШАПТУН (ІВАН ПАКРОЎНЫ, ІВАН ЖУРАВІННІК, ІВАН КУРАЕД, БАГАСЛОЎ, БУГАСЛАЎ)
Меню сайту
Форма уваходу
Пошук
Сябры сайту
  • Официальный блог
  • Сообщество uCoz
  • FAQ по системе
  • Инструкции для uCoz
  • Статыстыка

    Анлайн усяго: 1
    Гасцей: 1
    Карыстальнікаў: 0

    ІВАН ШАПТУН (ІВАН ПАКРОЎНЫ, ІВАН ЖУРАВІННІК, ІВАН КУРАЕД, БАГАСЛОЎ, БУГАСЛАЎ)

    9 кастрычніка у праваслаўных, 26 верасня у каталікоў Іван Шаптун (Іван Пакроўны, Іван Журавіннік, Іван Кураед, Багаслоў, Бугаслаў). Свахі сакрэтна шапталіся з жаніхамі пра нявест, каб 1 кастрычніка (па старым стылі) зрабіць вяселле.

    Асабліва гэта было распаўсюджана ў Віцебскай губерні. Захавалася прымаўка: «Іван Багаслоў дружкі разаслаў, а на Пакрова дзеўка гатова» (Раманаў, 1912; Крачкоўскі, 1874).

    У Лельчыцкім раёне гавораць: «Іван Пакроўны перад Пакровам ходзіць» (Талстая, 1986). Па прысвятку раней арыентаваліся ў заканчэнні сяўбы азімых, завяршалі іншыя палявыя работы і пачыналі вяселлі.

    «Хто не дасее да Івана Багаслова, той не варты Божага слова» (Гілевіч, 1983). «Святы Бугаслоў да буракі капаў» (Смалявіцкі раён; з валачобнай песні). На Драгічыншчыне кажуць: «Богослаў сваты розослаў, пачынаюць высілля робыты» (Талстая, 1986).

    Вядомы песні:

    Ах, восень, восень!

    Сватоў па восем,

    А ка мне ніводнага!..

    Ай, восень, макрота,

    Дзецюкам жаніцца ахвота...

    Пры выкананні розных гаспадарчых работ, талок спявалі таксама іншыя песні, не вельмі замацаваныя за асенняй парой. У Шумілінскім раёне хадзілі па журавіны (ягады выкарыстоўвалі для лячэння многіх хвароб).

    Там жа раней высаджвалі куранят, якія вырасталі да Івана Кураеда, і аддавалі іх папу. Святы апостал і евангеліст Іаан Багаслоў (пач. ІІ ст.), доўга заставаўся адзіным жывым сведкам жыцця Выратавальніка.

    Алесь Лозка

     




    Copyright MyCorp © 2019
    Конструктор сайтов - uCoz