ДЗЕДАВІЦА

НОЖ НА СТАЛЕ НАЧАВАЦЬ НЕ ПАВІНЕН
Меню сайту
Форма уваходу
Пошук
Сябры сайту
  • Официальный блог
  • Сообщество uCoz
  • FAQ по системе
  • Инструкции для uCoz
  • Статыстыка

    Анлайн усяго: 1
    Гасцей: 1
    Карыстальнікаў: 0

    НОЖ НА СТАЛЕ НАЧАВАЦЬ НЕ ПАВІНЕН

    10.01.2008 Нож.

    Гэты востры і далёка не небяспечны прадмет хатняга ўжытку традыцыйна лічыўся своеасаблівым абярэгам і дапаможнікам у барацьбе з нячыстай сілай.

    * Менавіта нож сяляне выкарыстоўвалі для аховы нехрышчонага дзіцяці. Маці, сыходзячы з хаты, пакідала нож у калысцы пад падушкай, каб нячыстая сіла не падмяніла дзіця ці не пашкодзіла яму.

    * Калі ў хату прыходзіла бяда, падчас пахавання ў калыску дзіцяці таксама клалі нож, каб смерць абышла яго.

    * Кум і кума, кіруючыся ў царкву хрысціць дзіця, павінны былі абавязкова пераступіць праз нож, які клалі на парозе, "каб да яшчэ нехрышчонага дзіцяці па дарозе не прычапілася нячыстая сіла".

    * На Беларусі і ва Украіне паўсюдна быў вядомы наступны абрад лячэння сурочанай каровы: трэба ліць малако хворай скаціны праз нож;

    * Калі карова раптам згубілася ці адбілася ад статку, гаспадыня брала нож і тройчы абводзіла ім па перыметры дзвярэй хаты. Лічылася, што такімі магічнымі дзеяннямі яна "зачыняла" сваю карміцельку ад драпежных звяроў.

    * Як абярэг, у дзяжу, з якой толькі што дасталі цеста для вясельнага каравая, імгненна ўтыкалі нож, у некаторых выпадках — чатыры нажы, аб чым спявалі ў "каравайных" песнях: "Чатыры нажы ў дзяжы, пятая мая сіла каравай замясіла";

    * У той жа час да абыходжання з нажом як прадметам, які падзяляе (раз'ядноўвае) рэчы на некалькі частак, ставілі шэраг умоў і патрабаванняў:

    * кухонны нож, звычайна добра навостраны, ніколі не клалі на стол, за якім елі. Сёння пры сервіроўцы сталоў выкарыстоўваюць спецыяльныя нажы, менш вострыя і закругленыя;

    * паўсюдна лічылі, што нельга гуляць з нажом — у той жа дзень у хаце здарыцца сварка;

    * хто есць з нажа, будзе злосным і нястрыманым у выказваннях;

    * нельга пакідаць нож, уваткнутым у хлеб;

    * знойдзены нож нельга падымаць і прыносіць дадому ?— такі нож прынясе ў хату няшчасце;

    * катэгарычна забаранялася дарыць нож: людзі паміж сабой абавязкова пасварацца;

    * калі дзяўчына да вяселля падорыць свайму жаніху нож (напрыклад, складны), такое вяселле не заладзіцца;

    * за сталом паміж жаніхом і нявестай ці сямейнай парай не павінен ляжаць нож;

    * калі нож зламаўся — гэта лічылася нядобрым знакам. Народная мудрасць вучыла: адкрыйце і закрыйце на кухні, сказаўшы пры гэтым: "Сталь зламілася, я раба (імя) перахрысцілася. Выратуй мяне, крыж Хрыстовы. Амінь. Амінь. Амінь";

    *v ніколі не пакідалі на ноч нож на стале. Яго месца — у стале, каб нячыстая сіла не магла яго скарыстаць. Асабліва гэта правіла тычыцца таго нажа, якім рэжуць мяса і які мае кантакт з крывёю жывёлы.

    * Катэгарычна забаранялася штосьці рэзаць нажом 11 верасня — дзень пазбаўлення галавы Іаана Прадцечы.

    Крыніца: http://www.ng.by/ru/issues?art_id=18690




    Copyright MyCorp © 2024
    Конструктор сайтов - uCoz