ДЗЕДАВІЦА

ЛЮБІЗНІК, ЛЮБІСТА, ПРЫВАРОТ, ПРЫСУШКА
Меню сайту
Форма уваходу
Пошук
Сябры сайту
  • Официальный блог
  • Сообщество uCoz
  • FAQ по системе
  • Инструкции для uCoz
  • Статыстыка

    Анлайн усяго: 1
    Гасцей: 1
    Карыстальнікаў: 0

    ЛЮБІЗНІК, ЛЮБІСТА, ПРЫВАРОТ, ПРЫСУШКА

    Прываротны сродак, які выкарыстоўваўся дзеля таго, каб выклікаць у кагосьці гарачае любоўнае пачуццё. Існавалі розныя спосабы такога любоўнага чаравання.

    Для гэтага выкарыстоўвалася іголка з ніткай, апярэзванне маладых людзей ваўняным паскам або трохразовы абыход вакол іх, частае сумеснае ўжыванне акрайчыкаў хлеба, саломы ці сена, што пасвілі на прыдарожных кустах, вада пасля мыцця ў святочны дзень, гарэлка, у якой была замучана пчаліная матка, зямля са слядоў прыгледжанай асобы, яблык, які тройчы трымалі пад пахай у час набажэнства, галава каршуна, ношаная на жываце, дробка солі, абнесеная вакол хлопца або дзяўчыны, розныя рэчы, якія мелі кантакт з падпахамі або з потам таго, хто прычароўвае, дзве жабы, адарваная ад жывога крата лапка ды інш.

    Але самым моцным сродкам лічылася “кручкі” і “вілачкі”, якія здабываліся рознымі спосабамі. Самым, відаць, распаўсюджаным быў такі: жывога кажана нанач закопвалі ў мурашніку і адыходзілі не азіраючыся, каб не аглухнуць на ўсё жыццё і каб галава не засталася тварам назад, на раніцу адкопвалі дзве костачкі ў выглядзе кручочка і вілачак.

    Каб прысушыць кагосьці да сябе, трэба было неўпрыкмет пацягнуць яго да сябе або ціхенька кальнуць з боку сэрца. Пасля гэтага узнікае неверагодна моцнае каханне да таго, хто такім кручком скарыстаўся.

    Каб адсушыць моцна закаханага, трэба было ціхенька адштурхнуць яго ад сябе – ад кахання не застанецца і следу. Здабывалі такія костачкі і з дзвюх спараных жаб падчас іх нерасту, а таксама з дрэва, на якім спявае салавей

    Крыніца: http://rv-blr.com/dictonary?alpha=&authenticity_token=7ac738a48b166025e45f6b2c67b725bd415bc85e&page=1




    Copyright MyCorp © 2024
    Конструктор сайтов - uCoz